Қытай әлемдегі ең үлкен күн электр станциясын іске қосты

Қытай әлемдегі ең үлкен күн электр станциясын іске қосты
Фото: CHINA NEWS SERVICE

АСТАНА. KAZINFORM – Қытайда Нью-Йорк көлемімен тең әлемдегі ең үлкен күн электр станциясы іске қосылды. Бұл туралы Independent хабарлады. 

Басылымның мәліметінше, станса жылына 6 миллиард киловатт-сағаттан астам энергия өндіруге қауқарлы және бұл көлем шағын елді энергиямен толық қамтамасыз етуге жетеді. Бұл электр станциясы Шыңжаңның батыс бөлігінің шөлді аймағында орналасқан және 200 мың гектар аумақты алып жатыр.

Қытайдың бүгінде күн энергиясын өндіру бойынша әлемде көшбасшы екені және 2023 жылы қуатын 50 пайыздан астамға арттыратыны атап өтілді. Жаңа күн электр станциясы Қытайдағы Ningxia Teneggeli және Golmud Wutumeiren жобаларын басып озып, әлемдегі ең үлкен станцияға айналды.

Халықаралық энергетикалық агенттік Қытайдың энергетикалық саясатына қатысты болжамдар жасады. Оның айтуынша, 2028 жылға қарай Қытай дүние жүзінде өндірілетін жаңартылатын энергияның шамамен 60 пайызына ие болады. Бұған қоса, Қытай 2030 жылға қарай әлемдегі жаңа қуаттардың жартысынан көбін шығаруды жоспарлап отыр.

Longi Green Energy Technology компаниясының бағалауы бойынша, 2023 жылға қарай жақын болашақта Қытай шатырлар мен ғимараттарға күн батареяларын орнату арқылы Оңтүстік-Шығыс Азиядағы барлық үй шаруашылықтарын қуаттандыруға жеткілікті электр қуатын өндіреді.

Сонымен қатар, Қытайдың күн панельдері өндірісін жылдам кеңейтуі де оның әлемдік нарықта артық энергия шығаруы және күтпеген экономикалық салдарға әкелуі мүмкін деген алаңдаушылық тудырады.

Соңғы жаңалықтар