Қытай алғаш рет ғарыш станциясына шетелдік азаматты жібермек
АСТАНА. KAZINFORM — Пәкістандық ғарышкер «Шэньчжоу-24» миссиясына қатысады. Бұл туралы сенбі күні Қытайдың Пилотты ғарыш бағдарламасы агенттігі мәлімдеді, деп Xinhua агенттігі жазды.
Ғарышкер орбитада ғылыми тәжірибе жүргізеді. Ол ғарыштағы қысқа мерзімді сапарынан кейін «Шэньчжоу-23» ғарыш аппаратымен Жерге оралады.
Бұл миссия Қытайдың пилотты ғарыш бағдарламасы тарихында қытайлық және шетелдік ғарышкерлердің бірлескен алғашқы сапары болмақ.
Бұған дейін Қытай Айға адам қондыру жоспарын таныстырғанын хабарлаған болатынбыз.
