Қытай қыркүйекте Бейжіңде өтетін парадта жаңа қару түрлерін көрсетеді

АСТАНА. KAZINFORM – Қытай Халық азаттық армиясы (ҚХАА) Бейжіңде Екінші дүниежүзілік соғыстағы жеңістің 80 жылдығына орай өтетін парадта гипердыбысты зымырандар мен ұшқышсыз ұшатын жүйелерді көрсетеді, деп хабарлайды Kazinfrom агенттігінің меншікті тілшісі.

Бұл туралы ҚХР Орталық әскери кеңесі Бірлескен штабының жедел басқару қызметі бастығының орынбасары генерал-майор У Цзэкэ мәлім етті.

Ол келтірген мәліметтерге қарағанда, парадта Қытай қарулы күштері құрылымының жаңа түрлері көрсетіледі және алғаш рет стратегиялық қарулардың жер, теңіз бен әуедегі, сондай-ақ гипердыбысты, таулы аймақта соққы беретін, ұшқышсыз ұшатын, ұшқышсыз ұшатын аппараттарға қарсы құрылғылардың кейбір түрлері таныстырылады.

Парадта 45 топ құрылып, оларды таныстыру 70 минутқа созылады.

Жеңіс парады 3 қыркүйекте Бейжіңде өтеді.

Осыған дейін Оңтүстік Корея қарулы күштерінің саны алты жылда 110 мыңға азайғаны туралы жаздық.