Қытай қорғанында екі елдің ұлттық аспабымен «Құсни Қорлан» композициясы орындалды
БЕЙЖІҢ. KAZINFORM – Наурыз мейрамы қарсаңында Қазақстан мен Қытайдың өнерпазы екі елдің ұлттық аспабымен Қытай қорғанында қазақ композициясын нақышына келтіре орындады.
Нақтырақ айтар болсақ, «Құсни Қорлан» композициясын қазақстандық музыкант Айгерім Ерсайынова қобызбен, ал қытайлық музыкант Ян Джияюань гучжэн аспабымен сүйемелдеді.
— Сіздермен ерекше нәрсені бөліскеніме өте қуаныштымын. Алғаш рет екі музыкант — бірі Қазақстаннан, екіншісі Қытайдан — Қытай қорғанында өнер көрсетуге жиналды. Біз музыка, мәдениет және достықтың бірегей мерекесін жасау үшін дәстүрлі аспаптарымызды біріктірдік, - деді Айгерім әлеуметтік желідегі парақшасында.
Қазақстандық музканттың айтуынша, бұл – өзара құрмет пен мәдениет алмасуға негізделген екі ежелгі мәдениеттер арасындағы терең байланыстың күшті тоғысуы.
— Музыкада тіл жоқ. Ол шекараларды асып, жүрек қылын қозғап, тыңдарман жанын тебірентеді, - деді Айгерім.
Айта кетейік, Гучжэн – Қытайдың ең көне музыкалық аспабы саналады. Ол құрлымы жағынан қазақтың жетіген аспабына ұқсайды.
Бұған дейін хабарлағанымыздай, ҚХР-дың бұрынғы Елшісі Қазақстанның халықаралық іс-шаралар өткізуде тәжірибесі мол екенін айтқан еді.
