Қытайда Ұлттық музейі қорының көрмесі ашылды

Көрме
Фото: ҚР Мәдениет және ақпарат министрлігі

АСТАНА. KAZINFORM — Халықаралық музей күні аясында Сиань қаласындағы Шэньси тарихи мұражайында «Чанъаннан бастап: Дүниежүзілік мәдени мұра тізіміне енгеніне 10 жыл толғанын мерекелеу» көрмесі ашылды.

Экспозиция б.з. д. ІІ ғасырдан б. з. д. XVI ғасырға дейінгі кезеңді қамтиды және Жібек жолы бойындағы қала құрылысы, діни нанымдар, сауда және бейнелеу өнеріне арналған.

Музей күні
Фото: ҚР Мәдениет және ақпарат министрлігі

Көрме 2014 жылы Қазақстан, Қытай және Қырғызстан бірлесіп, Чанъань – Тянь-Шань дәлізіндегі Ұлы Жібек жолынының ЮНЕСКО мәдени мұра тізіміне енгізілгенін еске алу мақсатында ұйымдастырылды. Сонымен қатар іс-шара барысында «Цинь және Хан өркениеті» халықаралық симпозиумы өтті, онда Ұлттық музейдің Қазақстан тарихы бөлімінің басшысы Айнұр Ақжасарова «Ұлы Жібек жолы мұрасы» тақырыбында баяндама жасады. Көрме 2024 жылдың 18 тамызына дейін жалғасады.

Еске сала кетейік, бүгін Мәдениет және ақпарат министрі Аида Балаева қазақстандықтарды халықаралық музейлер күні мерекесімен құттықтады.

Соңғы жаңалықтар