Қытайда сыбайлас жемқорлық үшін тағы бір өлім жазасы тағайындалды
АСТАНA. KAZINFORM – Цзянсу провинциясының соты China National Offshore Oil Corporation (CNOOC) бас директорының бұрынғы орынбасары Юань Гуаньюді екі жылға кейінге қалдырумен өлім жазасына кесті. Ол ірі көлемде пара алғаны үшін кінәлі деп танылды, деп хабарлайды China Daily.
Сюйчжоу қалалық аралық сотының үкімі бойынша, Юань Гуанъю өмір бойына саяси құқықтарынан айырылып, барлық жеке мүлкі тәркіленеді. Заңсыз жолмен тапқан табысы мен онымен байланысты активтері тәркіленіп, мемлекет пайдасына қайтарылды.
Тергеу 2001 және 2022 жылдар аралығында Юаньның мұнай корпорациясындағы қызметтік жағдайын әртүрлі жеке тұлғалар мен ұйымдарға көмектесу үшін пайдаланғаны анықталды.
Мәселелер мердігерлік жобаларды үлестіру, коммерциялық қызметке және кадрларды тағайындауға қатысты болды. Оның орнына бұрынғы шенеунік 152 млн юаньнан (22,5 млн доллар) астам пара алды.
Қытайдың заң тәжірибесінде егер сотталған адам екі жылдық сынақ мерзімі ішінде басқа қылмыс жасамаса шартты түрде өлім жазасы әдетте өмір бойына бас бостандығынан айырумен ауыстырылады. Егер сотталған адам жақсы мінез-құлық танытса, бұл жаза кейінірек қысқартылуы мүмкін.
67 жастағы Юань – Тяньцзинь қаласының тумасы. 2016 жылдың тамыз айында ол Қытайдың ең ірі теңіз мұнай және газ өндірушісі CNOOC компаниясы директорының бас орынбасары қызметіне кірісті. Топ-менеджер 2019 жылы зейнетке шықты. Оған қарсы пара алды деген күдік бойынша тергеу 2025 жылдың соңында басталды.
Осыған дейін Қытайдың бұрынғы Қорғаныс министрлері өлім жазасына кесілді.
Сондай-ақ Қытайда $27,7 млн пара алған экс-шенеунік өлім жазасына кесілгені хабарланды.
