Қытайдың Ляоян қаласындағы өрттен 22 адам қаза болды

АСТАНА. KAZINFORM – Жергілікті уақыт бойынша 29 сәуір күні сағат 12:25-те Қытайдың Ляоян қаласының Байтa ауданы Саньличжуан елді мекеніндегі дәмханардың бірінен өрт шыққан.

Global Times басылымының хабарлауынша, сағат 14:00-дегі мәлімет бойынша, өрт салдарынан 22 адам қаза тауып, 3 адам жарақат алған.

The Paper ақпараттық порталының хабарлауынша, ҚХР төрағасы Си Цзиньпин Байтa ауданындағы өртке байланысты маңызды нұсқау беріп, жараланған адамдарға барынша медициналық көмек көрсету, қаза тапқандардың отбасына жан-жақты жәрдем беру және ірі апаттардың алдын алу үшін қатаң шаралар қабылдау қажеттігін атап өткен.

Синьхуа агенттігі ҚКП Бас хатшысы, ҚХР Төрағасы Си Цзиньпиннің бүгін жұмыс сапарымен Шанхайда жүргенін хабарлады.