Қытайдың оңтүстігінде толассыз жауған жаңбырдан қаза тапқандар бар
АСТАНА. KAZINFORM — Өткен демалыс күндері Қытайдың оңтүстік аймақтарында жаңбыр жауып, апта басында нөсер жауады деп күтіліп отыр, деп хабарлайды Kazinform меншікті тілшісі.
Қытайдың Ұлттық метеорологиялық орталығының хабарлауынша, елдің оңтүстігіндегі Гуанси-Чжуан автономиялық ауданындағы бір елді мекенде су тасқынынан қаза тапқандар саны алты адамға жетті, тағы екеуі із-түзсіз жоғалды.
Өткен демалыс күндері ауа райының қолайсыздығына байланысты Гуандун провинциясының Гуанчжоу және Шэньчжэнь қалаларында 700-ден астам рейс кейінге қалдырылды және тоқтатылды.
Метеорологтардың мәліметінше, Қытайдың оңтүстігінде 2025 жылдың басынан бергі ең қатты жаңбыр 27-29 мамыр аралығында жауады. Табиғи апаттар қаупі жоғары.
Жексенбі күні Қытай билігі оңтүстік-батыс Юньнань провинциясында су тасқыны қаупіне байланысты «көгілдір» ескерту жариялады.
Бұған дейін Үндістанда нөсер жауыннан 45 адам қаза тапқанын жазған болатынбыз.
