Киви энергетикалық сусындарды алмастыра алады
АСТАНА. 5 қыркүйек. ҚазАқпарат - Күніне екі киви жеген адам өзінің көңіл күйін жақсартып, күйзелістің дамуының алдын алады. Отаго университеті 54 жас адамнан тұратын топты арнайы 6 ай бойы кивидің әсерін білу үшін бақылады, деп жазады The Indian Express.
Анықталғандай, 2 киви жеген адамның шаршағаны мен күйзеліске ұшырауы азайып, бір күнге жететін қуат алған. Оның себебі кивидің құрамындағы С дәруменінің болуымен түсіндіріледі. Дәруменнің нормасына жетуі үшін 2 киви қолдану жеткілікті. Тәжірибенің басында оған қатысушылардың дәрумен көрсеткіші олардың жаңа піскен жемістерді аз жеуіне байланысты төмен болған.
С дәрумені метаболиялық энергия мен адамның миындағы түрлі байланыстарды жоғарылатушы деңгейін төмендететін энзимдер қатарын жеделдетеді. Бұл дәрумен тек адамның миын ғана қуаттандырып қоймай, жалпы ағзаға физикалық және ақыл-ой энергиясын береді.
