Қиыр Шығыста екі Су-34 бомбалаушы-жойғыш ұшағы соқтығысты

МӘСКЕУ. ҚазАқпарат - Қиыр Шығыста екі Су-34 бомбалаушы-жойғыш ұшағы әуеде соқтығысты, деп хабарлады жұма күні ТАСС-қа өңірдегі қарулы күштер құрылымының дереккөзі.

«Су-34 екі ұшағы теңізге қарай ұшып келе жатып, әуеде соқтығысты. Ұшақтардың бірінің экипажы катапульттанды. Екі экипаждың да қазіргі жағдайы белгісіз», - деді агенттіктің дереккөзі.

Ол «төтенше жағдайдың бір сағат бұрын болғанын» атап өтті.