Қызылорда облысында қарт майдангерге құрмет көрсетілді
ҚЫЗЫЛОРДА. KAZINFORM — Екінші дүниежүзілік соғыс ардагері, Қызылорда облысының Құрметті ардагері, Сырдария ауданының Құрметті азаматы Яхия Тасыровқа ерекше құрмет көрсетілді.
Қызылорда облысы әкімдігі баспасөз қызметінің мәліметінше, қарт майдангердің үйінің алдында Отан қорғаушылар саптық жүріспен өтіп, ардагерге құрмет жасалды.
Майдангердің ел үшін еткен ерлігі мен жанқиярлық еңбегі кейінгі ұрпаққа үлгі ретінде насихатталды.
Яхия Тасыровтың өмір жолы — отансүйгіштік пен адалдықтың айқын көрінісі. Бейбіт өмір мен жарқын болашақ үшін күрескен майдангерге құрмет мол.
