Қызылорда облысының бас ұстазы тағайындалды
Қызылорда облысы Білім басқармасының басшысы ауысты, деп хабарлайды Кazinform.
Оқу-ағарту министрлігінің, Мемлекеттік қызмет істері агенттігінің келісімдері және облыс әкімінің өкіміне сәйкес Қызылорда облысының білім басқармасының басшысы лауазымына Асқарбек Есжанов тағайындалды.
Асқарбек Темірбекұлы 1978 жылы Жалағаш ауданында дүниеге келген. Еңбек жолын 1999 жылы Қызылорда экология және құқық колледжінің оқытушысы болып бастаған. Әр жылдары облыстық мәдениет басқармасында, облыстық білім департаменті мен соттар әкімшісінде түрлі жауапты лауазымдар атқарған.
2007-2010 жылдары Қызылорда қалалық білім беру бөлімі бастығының орынбасары, Қызылорда қаласы әкімі аппаратының ұйымдастыру-бақылау және кадр жұмыстары бөлімінің бастығы болған.
2010-2015 жылдары Қызылорда облысы әкімі аппаратының ұйымдастыру-инспекторлық жұмыс және аймақтық даму бөлімінің бас инспекторы, бөлім меңгерушісі, Қызылорда қаласы әкімі аппаратының басшысы қызметін орындады.
2015-2020 жылдары Қызылорда қалалық білім бөлімі, Қызылорда қалалық мәслихат аппараты, Қызылорда қаласының мәдениет және тілдерді дамыту бөлімінің басшысы қызметтерінде еңбек етті.
2020-2022 жылдары Қызылорда қаласы әкімінің орынбасары, Қызылорда облысының мәдениет, архивтер және құжаттама басқармасының басшысы болды.
2022 жылдың сәуір айынан Жалағаш ауданының әкімі лауазымын атқарды.
Еске салсақ, бұдан бұрын Данияр Жаналинов Қызылорда облысы әкімінің орынбасары қызметіне тағайындалды.
