Қызылорда тұрғыны TikTok-тағы әрекеті үшін айыппұл арқалады
АСТАНА. KAZINFORM — Әлеуметтік желілерге жүргізілген мониторинг барысында TikTok желісіндегі тікелей эфир кезінде қолданушылардың бірі бірнеше мәрте бейәдеп сөз айтып, қоғамдық тәртіп пен әдеп нормаларын бұзғаны анықталды.
ІІМ баспасөз қызметінің мәліметінше, тексеру нәтижесінде құқықбұзушы Қызылорда қаласының 39 жастағы тұрғыны Жұлдызай Құдайбергенова екені белгілі болды.
Сот шешімімен ол әкімшілік жауапкершілікке тартылып, оған айыппұл салынды.
— Полиция интернет кеңістігіндегі құқық бұзушылықтарды анықтау жұмыстары тұрақты түрде жүргізілетінін еске салады. Заң талаптарын бұзғаны үшін қолданыстағы заңнамаға сәйкес жауапкершілік көзделген, — делінген ақпаратта.
Бұған дейін Абай облысында TikTok желісіндегі тікелей эфир кезінде былапыт сөз айтып, алкоголь ішкен 53 жастағы Семей тұрғыны әкімшілік жауапкершілікке тартылды.
Сондай-ақ TikTok-та балағат сөз айтқан қызылордалық көше сыпырып жүр.
