09:22, 07 Сәуір 2025 | GMT +5
Қызылордада 7 жастағы қыздың аяғы жылу батареясына қысылып қалған
ҚЫЗЫЛОРДА. KAZINFORM – Оқыс оқиға 6 сәуір күні Қызылорда қаласындағы тұрғын үйлердің бірінде болған.
Облыстық Төтенше жағдайлар департаментінің мәліметінше, үйдегі жылу радиаторы қабырғаларының арасына 7 жастағы қыздың аяғы кіріп кетіп, қысылып қалған.
– Шақыру бойынша оқиға орнына барған құтқару жасағының қызметкерлері арнайы гидравликалық құралмен жылу батареясынан қыз баланың аяғын шығарып алды. Бала өміріне ешқандай қауіп төнген жоқ, - делінген хабарламада.
Осы орайда құтқарушылар балаларға қауіпсіздік ережелерін үйретіп, жалғыз қалдырмауға кеңес береді.
Біз бұған дейін Жетісу облысында құтқарушылар өртенген үйден қарт адамды аман алып шыққанын хабарлағанбыз.
