09:30, 21 Сәуір 2024 | GMT +6
Қызылордалық құтқарушылар азаматтың басынан темір дулығаны шешіп алды
АСТАНА. KAZINFORM – Тосын оқиға туралы ТЖМ мәлімдеді.
Белгілі болғандай, Қызылорда қаласындағы Саяхат шағын ауданының тұрғынынан үйіндегі қонақтың басынан темір дулыға (шлем) шешілмей жатқандығы туралы хабарлама түскен.
«Тұрғынның досы суретке түспекші болып, темір дулығаны басына кигенімен, басынан шеше алмай қалған. Құтқарушылар арнайы құралдардың көмегімен азаматтың басына зиян тигізбей, дулығаны шешіп алды», — деп жазды ведомстводан.
