Қызыңыз біреуді қағып өлтірді: Алаяқтар курьер арқылы ақша алдыратын болған

телефон, мошенники
Фото: pixabay.com

АСТАНА. KAZINFORM — Соңғы уақытта телефон алаяқтары елдің ақшасын алдап алу үшін курьерлерді пайдаланатын жағдайлар жиілеп кетті.

Телефон алаяқтары әртүрлі сайттарға курьерлік жұмыс ұсынып, белгілі бір ақыға қылмыстық жолмен алынған қаражатты аудару туралы жарнамаларды жариялап отырған.

Астанада телефон алаяғы жәбірленушіге хабарласқан. Оған қызының адам өліміне алып келген жол апатын жасағанын және істі оң шешу үшін өзіне ақша аудару қажет екенін айтқан.

Осындай схема бойынша 1 млн теңгеден астам қаражатты иемденіп, 2 жәбірленушіні алдаған.

Курьер ретінде елорданың 27 жастағы тұрғыны жұмысты Telegram-арнасы арқылы хабарландырудан тауып, қылмыстық топтың сыбайласы болған.

Кінәлі ақшаны алып, өзіне осы ақшаның 10% қалдырып, қалған соманы беймәлім адамдардың шотына жіберіп отырған.

Сот үкімімен сотталушы жәбірленушілердің пайдасына материалдық шығынды өндірді.

Үкім заңды күшіне енді.

Қылмыстық топтың сыбайластарын қылмыстық жауапкершілікке тарту бойынша барлық шаралар қабылданып жатыр.

Соңғы жаңалықтар
telegram