Кличко Поветкинмен арадағы жекпе-жектен бас тартуы ықтимал
АСТАНА. 21 мамыр. ҚазАқпарат - Украиндық былғары қолғап шеберінің менеджері Бернд Бенте Владимир Кличконың Адександр Поветкинмен жекпе-жек қарсаңында РУСАДА ресейлік допингке қарсы агенттікте допинг-тесттен өтуден бас тартатынын мәлімдеді.
Атақты спортшының командасы Германияда орналасқан Ұлттық допингке қарсы агенттікте ғана тест тапсыру қажеттігін айтады.
Кличко тарапы допинг-тест мәселесінде осы айтқандарынан таяр емес. Олар бұлай болмаған жағдайда 5 қазанда Мәскеуде жоспарланған жекпе-жектен бас тартуға да әзір.
Ал Поветкиннің менеджері Владимир Хрюнов бұл мәселеде ымыра келуге дайын. Бірақ ол екі агенттікте де, сондай-ақ Ерікті допингке қарсы қауымдастықта тест тапсырылуын қалайтынын білдірді.
