Климаттың өзгеруі салдарынан Жердің бірқатар ауданында ультракүлгін сәуле күшеюі мүмкін
Атмосфераның жоғарғы қабатындағы ауа ағымдарының айналысы үшін температураның өсуінің салдары мен озон қабатының жағдайын зерттеген Торонто университетінің зерттеушілері Теодор Шеперд пен Микаэла Хегглин осындай қорытындыға келіп отыр, деп хабарлайды РАТА-ТАСС агенттігі. Олар жасаған компьютерлік модель ағымдағы ғасырда озон қабатының күрделі өзгеріске ұшырауы мүмкін екенін көрсетті.
Оңтүстік жартышарда таулы аудандарда көктемде және жазда ультракүлгін сәулесінің деңгейі, қазіргіден 20 пайызға жоғары болып, қатерлі ісік ауруларының өсуіне себеп болуы мүмкін, - деп атап көрсетеді ғалымдар «Нейчур геосайенс» журналының бетінде. Озон қабатындағы өзгерістер мен ультракүлгін сәуленің күшеюі «ауаның сапасына да, адамдардың денсаулығына да, жалпы экологиялық жүйенің жағдайына да» айтулы әсер ететін болады.