Қобыз сарайында Батыс Қазақстан облысының белгілі өнер шеберлерінің концерті өтеді

Күміс көмей әнші, айтыскер ақын, Қазақстанның еңбек сіңірген қайраткері Қатимолла Бердіғалиев «Айман-Шолпан» эпостық дастанын астаналық көрермендер алдынды жырлап шығады.

Одан кейін Ғ.Құрманғалиев атындағы облыстық филармонияның әнші, күйшілері кезек-кезек сахна төріне көтеріледі.

Атап айтқанда, белгілі домбырашы, Қазақстанның еңбек сіңірген мәдениет қызметкері Ермек Қазиев бірнеше күйлерді орындайды. Ал Қатимолла Бердіғалиев батыс өңірі сазгерлерінің әнін шырқайды. Сондай-ақ концертте Серік Әбдірахманов, Серік Өтегенов, Күләш Қуанышқалиева, Ақмарал Ахметова, Ернар Өмірәлі, Еркін Өтегенов сынды өнер иелері елордалық көремендерге ән шашуын ала келмек.