Қоғамдық кеңестер туралы мүлдем естімеген өңірлер бар – зерттеу
НҰР-СҰЛТАН. ҚазАқпарат - 2021 жылы Ақпарат және қоғамдық даму министрлігінің тапсырысымен жүргізілген зерттеуде Қазақстан халқын мемлекеттік жоспарлауға жұмылдыру деңгейі анықталды, деп хабарлайды ҚазАқпарат finprom.kz сайтына сілтеме жасап.
Анықталғандай, сауалнамаға қатысқандардың 69% (барлығы 1200 респондент) қоғамдық кеңестер туралы ештеңе білмейді. Тек 3 өңірде халықтың қоғамдық кеңестер туралы хабардар болуы қанағаттанарлық дәрежеде.
Қоғамдық кеңестер туралы мүлдем бейхабар өңірлер тізімінде Қарағанды облысы көш бастап тұр. Онда сауалнамаға қатысқандардың 82% қоғамдық кеңестер туралы естімеген. Одан кейін Атырау және Қостанай облыстары – респонденттердің 79,5% және 76,2% «Қоғамдық кеңестер қызметі туралы ештеңе білмеймін» деп жауап берген.
Ал Нұр-Сұлтан және Алматы қалаларында сауалнамаға қатысқандардың жартысынан азы ғана қоғамдық кеңес туралы хабардар болып шықты.
