Көк тудың астында: Дербес бітімгерлік контингенттің бұған дейінгі бітімгерлерден айырмашылығы неде

Отар елді мекеніндегі төбелес: екі әскери қызметші уақытша ұстау изоляторында
Фото: gov.kz

АСТАНА. KAZINFORM – Қорғаныс министрінің орынбасары Дархан Ахмедиев Kazinform сауалына жолдаған жауабында тұңғыш дербес бітімгерлік контингенттің бұған дейінгі бітімгерлерден айырмашылығы қандай екенін түсіндірді.

«Бұған дейінгі Қазақстан Республикасы Қарулы Күштері бітімгершілік контингентті 2018 жылы БҰҰ-ның Ливандағы уақытша күштері миссиясына Үндістан Қарулы Күштерінің бітімгершілік батальоны қол астында жолдаған болатын. Яғни, Қазақстан бітімгерлері тек жеке қару-жарағы мен жеке мүліктерін алған болатын», - деп жазылған жауапта.

Ал бұл жолы қазақстандық әскерилер өзімен бірге Қазақстан Туын алып жүреді.

«Қазіргі жолданатын контингент Қазақстан Республикасының өз туының астында дербес, өзінің әскери техникасы, қару-жарағы және қосымша мүлкімен бірге жолданайын деп отыр. Контингент жолдауға Қазақстан Республикасының БҰҰ-ның Жарғысында көрсетілген халықаралық қауіпсіздік пен бейбітшілікке үлес қосу шеңберіндегі міндеттемелерін орындау шеңберінде жүзеге асырылып отыр. Сондай-ақ, біздің әскерилердің бітімгершілік миссияға қатысу барысында қосымша тәжірибе жинайтыны анық», - делінген министр орынбасарының жауабында. 

Соңғы жаңалықтар