«Көкек әкелерден» 1 млрд теңгеге жуық алимент өндіріп алынды
«Азаматтардың тарабынан түсетін өтініштердің жартысын құрайтын, үнемі шағым тудыратын өндірістің әлеуметтік маңызды санаттарының бірі алиментті өндіруге баса көңіл бөлінеді. Министрлік Республикалық жеке сот орындаушылары палатасымен бірлесіп, алимент төлемеушілерден оны өндіріп алудың барынша кешенді мәжбүрлі шараларын қабылдау жұмысын ұйымдастырды», - деді ол.
Вице-миинстрдің айтуынша, қабылданған шаралар проблемалық алименттердің 10 пайызға төмендеуіне оң әсерін тигізді.
«Нәтижесінде жарты жылдың қорытындысы бойынша 3 800 проблемалық өндірістен 1 миллиардтан астам сомаға алимент өндірілген. Сот орындаушыларына қатысты министрлікке келіп түсетін шағымдардың саны да азайды. Көрсеткіш өткен жылдың сәйкес кезеңімен салыстырғанда 3 есеге дерлік кеміді»,- деді Ешмұхамбетов.