Көкшетаулық құтқарушылар қамалып қалған 4 жасар баланы ата-анасына аман-есен тапсырды

«Оқиға бүгін Көкшетау қаласының көпқабатты тұрғын үйлердің бірінде болған. Ересектердің қарауынсыз қалған 4 жасар бала пәтер ішінде қамалып қалды.

Құтқарушылар үш тізелі баспалдақтың көмегімен екінші қабаттағы пәтердің терезесіне кіріп, баланы ата-анасына аман-есен берді», — деп мәлімдеді ТЖД-дан.

Бала зардап шеккен жоқ, медициналық көмекке мұқтаж емес.

ТЖМ мамандары балаларды қараусыз қалдырмауға кеңес береді.