Көкшетаулықтар қоян-қолтық ұрыстан ел біріншілігінде үздік үштікке енді

КӨКШЕТАУ. ҚазАқпарат - Көкшетаулықтар қоян-қолтық ұрыс бойынша өткен ел чемпионатында үздік үштікке енді, деп хабарлайды ҚазАқпарат тілшісі.

Ақмола облыстық дене шынықтыру және спорт басқармасы баспасөз қызметінің мәліметі бойынша, Қарағанды қаласында ересектер және жастар арасында FCF MMA қоян-қолтық ұрыстан Қазақстан чемпионаты өтті.

Жарысқа еліміздің 11 өңірінен жиналған 200 спортшы қатысты. Көкшетау қаласынан барған 7 спортшының ішінде, ересектер арасында 71 келі салмақта сынға түскен Ибрагим Беков (жаттықтырушысы Ермека Джаниен) күміс жүлдегер атанса, жастар арасында 46 салмақта  Олжас Ералин (жаттықтырушысы Дархан Касымов) үшінші орыннан көрінді.