Көктайғаққа байланысты Ақмола облысында бірқатар жолдар жабылды
КӨКШЕТАУ. ҚазАқпарат - Көктайғаққа байланысты Ақмола облысы аумағындағы республикалық маңыздағы бірқатар автожолдар жабылып, көлік қозғалысы уақытша шектелді, деп хабарлайды ҚазАқпарат тілшісі аумақтық ТЖД сілтеме жасап.
Ведомствоның мәліметінше, 8 қарашада де таңғы уақыт 08:50 ауа райының қолайсыздығына (көктайғақ) байланысты Ақмола облысы аумағындағы республикалық маңызы бар бірқатар автожолдар жабылып, көлік қозғалысы уақытша шектелді. Нақтырақ айтсақ, «Қостанай - Әулиекөл - Сұрған» (Қостанай облысы шекарасындағы – Сұрған кенті) автожолының 232-260 км, «Жезқазған – Петропавл» (Сұрған - Бұзылық) автожолының 552-536 км «Жақсы - Есіл – Бұзылық» автожолының 0-82 км.
Сондай-ақ, «ҚазАвтоЖол» АҚ мәліметінше, сағат 09:00 шамасында көктайғаққа байланысты «Астана-Щучинск» автожолында қоғамдық көліктер мен жүк көліктерінің жүруіне уақытша тыйым салынды.
