Көктемгі тасқын: Үйіңізді су басып қалмас үшін не істеу керек
КӨКШЕТАУ. ҚазАқпарат - Ақмола облысының төтенше жағдайлар департаменті су тасқынының алдын алып, оған қалай дайындалу керектігін айтып кеңес берді, деп хабарлайды ҚазАқпарат.
Су тасқынына дайындық кезінде мынадай іс-шаралар жасалуы тиіс:
- алдын ала көшені, ауланы, шатырды, өту жолдарын, су құбырларын қардан тазарту;
- «қаптағы» инертті материалдарды дайындау (құм, топырақ, қиыршық тас, қиыршық тас) және оны дұрыс төсеу);
- шұғыл эвакуацияға дайындалу (қажетті заттар, құжаттар, ақша, медициналық дәрі қобдишасы, үш тәулікке азық-түлік және су қоры);
- жеткіліксіз берік құрылымдар мен құрылыстарды нығайту.
Су тасқынынан қорғайтын бұл шаралар мүлікті қалпына келтіру шығынын азайтады.
Егер үйді су алып кетсе, мына шараларды қолға алу қажет:
- Электр қуатын өшіріңіз, үйдегі газ бен суды жабыңыз. Су тасқыны кезінде өзіңізді және отбасыңызды мүмкіндігінше қорғаңыз.
- Егер газдың иісі бар болса, терезелерді ашыңыз.
- Маңызды құжаттарды, ақшаны және басқа ауа өткізбейтін контейнерге жинаңыз.
- Дайын күйінде 3-4 күнге азық-түлік қоры, ауысымды киім, дәрі қобдишасы, гигиеналық құралдар және де мүмкіндігінше құтқарушыларға сигнал беру құралдары болуы тиіс.
Су басқан жағдайда 112 нөміріне қоңырау шалыңыз.
