Қоқыстан танкіге қарсы қолданылатын мина тауып алды
АСТАНА. Шілденің 7-сі. ҚазАқпарат - Шығыс Қазақстан облысында жергілікті тұрғын қоқыстан танкіге қарсы қолданылатын мина тауып алды, деп хабарлайды ҚР Төтенше жағдайлар министрлігінің баспасөз қызметінен.
ТЖМ хабарлауынша, 2010 жылғы шілденің 6-сында Шығыс Қазақстан облысының Бородулиха ауданына қарасты Переменовка ауылынан 500 метр жердегі қоқыстан жергілікті тұрғындар минаға ұқсас зат тауып алған.
"Арнайы жүргізілген іс-шаралар барысында аталған заттың ТН 62 М маркілі танкіге қарсы қолданылатын мина екендігі анықталды. ТЖМ-нің хабарлауынша, аудандық ішкі істер бөлімінің қызметкерлері жарылғыш затты жою үшін "Анна" шаруашылығының қоймасына орналастырды",- деп хабарлайды баспасөз қызметінен.
