Қолайсыз ауа райы: Пойыздарға қосымша вагондар тіркелді

АСТАНА. KAZINFORM – Қолайсыз ауа райына байланысты Астана мен Павлодар арасына қатынайтын жолаушылар пойыздарына қосымша вагондар тіркелді.

"Жолаушылар тасымалы" АҚ мәліметінше, 9 ақпанда республикалық жолдардың жабылуына байланысты келесі жолаушылар пойыздарына қосымша 31 вагон тіркелді:

- Павлодардан Астанаға дейінгі №45 пойыз - 6 вагон;
- Павлодардан Астанаға дейінгі №139 пойыз - 4 вагон;
- Астанадан Павлодарға дейін №354 пойыз - 7 вагон;
- Астанадан Петропавлға дейінгі №623 пойыз - 10 вагон;
- Астанадан Павлодарға дейін №45 пойыз - 4 вагон.
Жолаушыларға қосымша 1300 астам орын беріледі.

«Вокзалдар мен пойыздарда жолаушылар ағынының күрт ұлғаюын ескере отырып, "Жолаушылар тасымалы" АҚ азаматтарға ауа райы жағдайын ескере отырып, сапарларын жоспарлауды ұсынады және жолаушылардың қауіпсіздігін қамтамасыз етуге бағытталған қабылданып жатқан шараларға түсіністікпен қарауды сұрайды. Жолаушылар пойыздарының қозғалыс кестесі бойынша анықтамалық ақпаратты тегін "1433" нөмірі бойынша алуға болады», - делінген компания ақпаратында.