Көлігімен ағашқа соғылған мас полицей мен үш жолаушы ауруханаға жеткізілді

АСТАНА. ҚазАқпарат - Ставропольде көлігімен ағашқа соғылған полицейге қарсы қызметтік тергеу жүргізілуде, апат салдарынан зардап шеккендер бар, деп хабарлады ІІМ өлкелік ММ баспасөз қызметі.

«Алдын ала деректер бойынша, Киров ауданында жұмыстан тыс уақытта Пятигорск полицейі өз көлігімен келе жатып, рульді басқара алмай, ағашқа соғылған. Медициналық куәландыру нәтижесі полицейдің ішімдік ішкенін анықтады», - делінген хабарламада.

Апат салдарынан полицей, тағы үш жолаушы жарақаттанып, ауруханаға жатқызылды.