Көлігіңіз құр босқа оталып тұрса, айыппұл төлейсіз
АСТАНА. 25 желтоқсан. ҚазАқпарат - Сеул билігі парникті эффектімен күресте ұзақ уақыт бойы босқа оталып тұрған көлік жүргізушілеріне айыппұл салу туралы шешім шығарды.
Бұл ережелер Корея астанасында 3013 орын мен оның шеткері аудандарында орындалуы тиіс. Осы аумақтарда жеңіл автокөлік қозғалтқышы 3 минуттан астам уақыт бойы жай қосылып тұрса, оның иесіне 50 мың вон (47 доллар) көлемінде айыппұл салынады.
Ауа температурасы нольден төмендегенде, болмаса 30 градус ыстық болған кезде ғана бұл талаптың орындалмауы ықтимал. Мұндай жағдайларда да тек жүк тасымалдайтын көліктердің немесе жолаушылар автобусының жүргізушілері айыппұл төлемейді.
