Көлік полициясының 91 жылдығына арналған турнир өтті
АСТАНА. Ақпанның 16-сы. ҚазАқпарат /Қанат Құлшыманов/ - Көліктегі Орталық Ішкі істер департаментінде шағын футболдан турнир өтті.
Бұл шара Көлік полициясының 91 жылдығына арналды, деп хабарлады ведомствоның баспасөз қызметінен.
Салауатты өмір салтына және спортпен айналысуға баулу, сондай-ақ Көлік полициясы күнін тойлау мақсатында, ақпанның 2-сі мен 12-сі аралығында «Динамо» спорт кешенінде Көліктегі Орталық Ішкі істер департаменті бөлімдерінің арасында шағын футболдан чемпионат өтті.
Жарыс қорытындысы бойынша бірінші орынды 9 ұпай жинаған Астана стансысындағы желілік ішкі істер бөлімінің құрама командасы иеленді. Ал екінші жүлделі орын әкімшілік полициясы мен қосалқы қызметтер бөлімдерінің құрама командасына бұйырса, үшінгі орынды департамент аппаратының жедел-тергеу бөлімдерінің құрама командасы қанағат тұтты.
Жеңімпаздар департамент грамоталарымен атап өтілді. Айта кету керек, Көлік полициясы ақпан айының 18-інде да өзінің 91 жылдығын атап өтеді.
