Колледждер түлектердің 90% жұмысқа орналастыруға тиісті - министр
Қазақстандық колледждер түлектерін жұмысқа орналастыруға міндеттелді. Бұл туралы Ғылым және жоғары білім министрі Саясат Нұрбек мәлім етті, деп хабарлайды Kazinform.
«Кадрларды даярлау сапасын арттыру және қамту мақсатында «Педагог» кәсіптік стандарты бекітілді. Білім беру бағдарламаларын әзірлеу үшін әдістемелік ұсынымдар әзірленді. 6 мыңнан астам педагог жаңа тәсілдер бойынша біліктілігін арттырды. Нәтижесінде колледждер мен жұмыс берушілер бірлесіп, «Педагог» кәсіптік стандарты негізінде 554 бағдарламаны жаңартып, іске асыруда. Студенттер балабақшалар мен мектептерде кәсіптік практикадан өтеді», - деді Саясат Нұрбек Үкімет отырысында.
Бітіруші түлектер жұмысқа орналасар алдында біліктілігін растайтын сертификат алып, конкурсқа қатыса алады.
«Біз биыл колледждерге қойылатын біліктілік талаптарын күшейттік. Атап айтқанда, кемінде 5 педагогикалық мамандық бойынша лицензияның болуын және түлектердің 90% жұмысқа орналасуын қамту талап етіледі. Бұдан басқа, академиялық ұтқырлық, бойынша лицензиялау, сондай-ақ педагог кадрларды даярлауда қашықтан оқытуды шектеу мәселесі заңнамалық тұрғыда бекітілуде», - дейді ол.
