Колорадо Скул оф Майнс «Назарбаев Университеті» базасында кен ісі мектебін ашады
АСТАНА. ҚазАқпарат - Колорадо Скул оф Майнс «Назарбаев Университеті» базасында кен ісі мектебін ашады. Бұл туралы бүгін «Геология - 360» сұхбат алаңында ҚР Индустрия және жаңа технологиялар вице-министрі Нұрлан Сауранбаев айтты.
«Әлемдегі кен ісінің үздік мектебі Колорада (АҚШ) мектебі болып саналады. Қазіргі уақытта «Назарбаев Университеті» үлкен жұмыстар жүргізуде. Колорадо Скул оф Майнспен соңғы келісімге қол жеткізетін болса, онда аталған мектеп «Назарбаев Университеті» базасында құрылады», - деді ол.
