Колумбияда зауыттағы апат бес адамның өмірін қиып кетті
БОГОТА. ҚазАқпарат – Колумбияда күріш зауытында болған апат салдарынан кем дегенде бес адам қаза тапты. Бұл туралы ҚазАқпарат La FM радиостансасына сілтеме жасап хабарлайды.
Оның мәліметінше, оқиға Пуэрто-Лопес муниципалитетінде (Мета орталық департаменті) орын алған. Жұмысшылардың үстіне 100 тонна күріш сақталған бункер құлады. Бес адам оқиға орнында мерт болды.
Билік оқиғаны тергеу амалдарын бастады.
