Компьютерлік бағдарламаларға, жоғары технологиялық өнімдерге қазақ тілін енгізу мәселесі қаралады
АСТАНА. Маусымның 23-і. ҚазАқпарат - Ертең, маусымның 24-і, бейсенбі күні Қазақстан Республикасы Парламенті Мәжілісі ғимаратында Мәжілістің Қазақстан халқы Ассамблеясынан сайланған депутаттарының «Жаңа Қазақстан» тобының кезекті отырысы өтеді, деп хабарлайды ҚР Парламенті Мәжілісінің Баспасөз қызметі.
Отырыста Қазақстанда бүгінгі таңдағы компьютерлік бағдарламаларға және тұрмыста қолданылатын жоғары технологиялық өнімдерге қазақ тілін енгізу мәселесі қаралады. Сонымен бірге қазақ тілін үйретудегі компьютерлік бағдарламаларды жетілдіру, қазақ тілді IT-мамандарды дайындау, ұялы байланыс қызметіндегі қазақ тілін қолданудың жай-күйі талқыланады.
