Конго түрмесінде жазасын өтеп жатқандардың бәрі қашып кетті
АСТАНА. ҚазАқпарат - Белгісіз қаруланған адамдар Конго Демократиялық Республикасының шығысындағы түрмеге оқ жаудырып, жазасын өтеп жатқан 370 тұтқынның бәрін босатып алды.
Al Jazeera хабарлағандай, болжам бойынша бұл оқиғаға «Одақтық демократиялық күштер - Уганданы азат етудің ұлттық армиясы» радикалды тобы мүшелерінің қатысы бар. Алайда жергілікті биліктегілердің басқаша айтып отыр. Бутембо қаласы мэрінің пікірінше, шабуыл жасағандар қарақшылар болған.
КДР-да тұрақсыз жағдай сақталуда. Қазір елде 18,5 мың әскери қызметкер мен MONUSCO-ның 500 әскери бақылаушысы, сонымен бірге, 1,5 мың полицей бар. Бітімгерлер елді жайлаған түрлі әскери топтармен күресуде.
