Көңілділер мен тапқырлар клубының мүшелері қала күніне арнайы бағдарлама әзірледі
АНА. Маусымның 29-ы. ҚазАқпарат /Райхан Қоңыр/ - Шілденің 6-сында қала күніне орай көптеген қоғамдық-бұқаралық шаралар өтеді. Соның бірі - «Достық» спорт комбинатында өтетін «Туған күніңмен, Астана!» жастар кешіне арнайы бағдарлама әзірленді,
деп хабарлайды ҚазАқпарат.
Көңілділер мен тапқырлар клубының белсенділері ел арасындағы қоғамға сыйымсыз іс-әрекеттерді сынға алып, адамдарың одан арылу қажеттігін меңзейді. Еліміздің әр аймағында көптің ықыласына бөленіп үлгерген жас сықақшылар жастардың би кешінің көрігін қыздырмақ. Көңілділер мен тапқырлар клубының қойылымдары қазақ және орыс тілдерінде өтеді. Бұл кешке өз еліміздің және ресейлік әншілер қатысады.
