Конституциялық Кеңес Парламент қабылдаған заңды Конституцияға сәйкес емес деп тапты

АСТАНА. Наурыздың 12-сі. ҚазАқпарат - Конституциялық Кеңес Парламент қабылдаған «Қазақстан Республикасының кейбір заңнамалық актілеріне діни сенім бастандығы және діни бірлестіктер мәселелері бойынша өзгерістер мен толықтырулар енгізу туралы» Заңды Конституцияға сәйкес емес деп тапты.

Бұл жайлы ҚазАқпаратқа ҚР Конституциялық Кеңесінің баспасөз қызметінен хабарлады. Қазақстан Республикасы Президенті Әкімшілігінің хабарлауынша, Мемлекет басшысы Конституциялық Кеңестің шешімімен келісті және Республикалық Конституцияның 73-бабы 4-тармағында көзделген тәртіппен оған қарсылық енгізбейді.Конституциялық Кеңестік нормативтік қаулысы республикалық ресми басылымдарда жарияланады.