Конституциялық соттың судьясына өмір бойы алатын төлем тағайындалады
АСТАНА. ҚазАқпарат - ҚР Конституциялық сотының судьясына өмір бойы ай сайынғы төлем тағайындалады. Осыған қатысты Үкімет қаулысы шықты, деп хабарлайды ҚазАқпарат.
«Қазақстан Республикасы Конституциялық сотының судьясына өмір бойғы ай сайынғы қамтылым төлеу қағидалары бекітілсін», - делінген құжат мәтінінде.
Қаулымен бірге Сотының судьясына өмір бойғы төлем төлеу ережесі де бекітілді.
Еске салсақ, өткен жылы қарашада Сенат Конституциялық сот туралы заң қабылдады.
Мемлекет басшысы Қасым-Жомарт Тоқаевтың Жарлығымен Эльвира Әбілхасымқызы Азимова ҚР Конституциялық сотының төрағасы лауазымына тағайындалды.
Сонымен қатар Конституциялық Сот төрағасының орынбасары белгілі болды.
Қасым-Жомарт Тоқаев Конституциялық сот Әділетті Қазақстанның айнасы болады деді.
