Қор нарығы Трамптың тарифтер туралы мәлімдемесіне реакция білдірді

АСТАНА. KAZINFORM – АҚШ президенті Дональд Трамп импорт тауарларына 10%-дан 49%-ға дейінгі жаңа баж салығын жариялағаннан кейін әлемдік технология алпауыттарының акциялары құлдырады, деп хабарлайды NBC News.

Apple акциялары сәрсенбі күнгі сауда-саттықта 6%-дан астам төмендеді. 

Apple табысының көп бөлігін негізінен Қытайда және Азияның басқа бірнеше елінде өндірілген құрылғылар құрап отыр. 

Тайваньда жаңа чиптер жасап, жасанды интеллект жүйелерін Мексикада және басқа жерлерде құрастыратын Nvidia акциялары шамамен 4%-ға, ал электромобиль өндіруші Tesla-ның акциялары 4,5%-ға төмендеді.

Мегакапиталдандандыруға ие басқа компаниялар арасында Alphabet, Amazon және Meta акциялары 2,5%-дан 5%-ға дейін, ал Microsoft акциялары 2%-ға жуық төмендеді.

Бұған дейін президент Дональд Трамп АҚШ-тың барлық сауда серіктестері үшін 10% тарифті және өзінің «Америка бірінші кезекте» атты бағдарламасы аясында өзге ондаған мемлекетке барлық саланы қамтитын жоғары баж салығын енгізуді қарастыратын пакетін ұсынды.

Сондай-ақ Дональд Трамп сыртқы сауда-экономикалық тәжірибе ұлттық төтенше жағдай тудырғанын мәлімдеп, АҚШ экономикасы мен америкалық жұмысшыларды қорғау үшін жауап тарифтерін енгізу туралы жарлық шығарды.