Қор нарығында доллар арзандады

АЛМАТЫ. KAZINFORM – Қор биржасындағы (KASE) сауда-саттық қорытындысы бойынша, 1 доллардың теңгеге қатысты бағамы арзандады.

Күндізгі сауда-саттық мәліметіне қарағанда, доллар бағамы 2,21 теңгеге төмендеп, 1 доллар 478,48 теңге болды.

Айта кетейік, Ұлттық банктің 10 шілдедегі ресми бағамы – 1 доллар үшін 480,77 теңге.

Kurs.kz мәліметінше, Алматыдағы ақша айырбастау пункттерінде доллардың сату бағамы – 477,9 теңге, сатып алу – 480,1 теңге.

Ал, Астана қаласы бойынша сату бағамы 477 теңгеден болса, сатып алу – 482 теңге.

Алматыда Ресей рублі 5,37 – 5,47 теңге аралығында саудалануда.

Астанада көрші ел валютасы 5,33 – 5,53 теңгеден сатылып жатыр.