Қор нарығында доллар қымбаттады

АЛМАТЫ. KAZINFORM - Қазақстан қор биржасында (KASE) шетел валюталары бойынша сауда-саттық жабылды.

Күндізгі сауда-саттық қорытындысы бойынша доллардың орташа бағамы 504,44 теңге болып, 0,87 теңгеге қымбаттады. Ұлттық банктің 31 наурыздағы ресми бағамы 503,42 теңге деңгейінде белгіленді.

Kurs.kz мәліметіне сәйкес, қазіргі уақытта Алматының ақша айырбастау орындарында доллар орташа есеппен 502,18 теңгеден сатып алынады және 504,51 теңгеден сатылады. Еуро 543,64 – 547,92 теңге аралығында сатылады және сатып алынады, ал рубль 5,74 - 5,88 теңге шегінде саудаланады.

Астанада доллар 501,37 теңгеден алынады, ал 507,35 теңгеден сатылады. Елордада еуроны 541,42 теңгеден сатып алып, 548,42 теңгеден сатуға болады. Рубль бағамы 5,78 - 5,89 теңге аралығында тұр.

Еске салайық, таңғы уақытта доллар, еуро және рубль қаншадан саудаланып жатқанын жазғанбыз.