Қор нарығында доллар тағы арзандады
АЛМАТЫ. KAZINFORM – Қазақстан қор биржасындағы (KASE) сауда-саттық қорытындысы бойынша доллар бағамы арзандады.
Күндізгі сауда-саттық қорытындысы бойынша доллардың орташа бағамы 0,54 теңгеге түсіп, 471,45 теңге болды. Ұлттық банктің ресми бағамы - 471,77 теңге.
Kurs.kz мәліметіне сәйкес, елорданың ақша айырбастау орындарында:
- доллар 468,00 теңгеден сатып алынады, 475,00 теңгеден сатылады;
- еуро: сатып алу - 543,01 теңге, сату - 553,01 теңге;
- рубль: сатып алу - 6,40 теңге, сату - 6,70 теңге.
- юань: сатып алу - 67,64 теңге, сату - 73,05 теңге.
Алматының ақша айырбастау пункттерінде доллар орта есеппен 470,88 теңгеден сатып алынады, 472,78 теңгеден сатылады. Еуро 546,68 – 551,51 теңге, ал рубль 6,41 – 6,55 теңге аралығында саудаланады. Ал юань 67,80 теңгеден сатып алынады, 70,24 теңгеден сатылады.
Еске салайық, 20 мамыр күндізгі сауда-саттық қорытындысы бойынша доллардың орташа бағамы 0,32 теңгеге түсіп, 471,77 теңге болды.
