Қор нарығында доллардың бағамы 480 теңгеден асты

АЛМАТЫ. ҚазАқпарат – Доллардың теңгеге шаққандағы бағамы көтерілді, деп хабарлайды ҚазАқпарат тілшісі.

KASE қор нарығындағы күндізгі сауда қорытындысы бойынша, доллар бағамы 1,85 теңгеге көтерілді.

Бір АҚШ долларының орташа бағамы – 480,37 теңге.

Ұлттық банктің 15 шілдедегі ресми бағамы – 1 долларға 478,39 теңге.

Kurs.kz мәліметінше, қазіргі уақытта Алматының ақша айырбастау пунктілерінде доллардың сату бағамы – 477,95 теңге, сатып алу – 482,60 теңге.

Ал, Нұр-Сұлтан қаласы бойынша сату бағамы – 477 теңгеден болса, сатып алу құны – 480,50 теңге.

Айта кетейік, Қор нарығында АҚШ валютасы үшінші күн қатарынан қымбаттап жатыр.