Қоражайдағы өрттен 16 бұзау жанып кетті - БҚО
ОРАЛ. 10 тамыз. ҚазАқпарат - Ақжайық ауданы Мерген ауылдық округінің «Аңсаған» шаруа қожалығындағы қора-жай өртеніп, 250 шаршы метрді қамтыды.
Аудандық төтенше жағдайлар бөлімінен хабарлағанындай, қора-жай қасақана өртелген деген болжам жасалуда. Қорадағы 16 бұзау жанып кетті.
Сондай-ақ Жаңабұлақ ауылында бір тұрғын үйдің шаруашылық құрылыстарында 240 шаршы метрді қамтыған өрт шығып, үш тас қора, екі ағаш қора, жазғы мал орны, 9 тонна пішен отқа кетті. Жалпы шығын - 400 мың теңге. Бұл оқиғаның себебі абайсыздықтан делінуде.
Облыстық төтенше жағдайлар департаментінен түскен мәліметке қарағанда, биылғы алты айда өңірде 290 өрт тіркеліп, шығын 153 млн. теңгеден асты. 5 адам қаза тауып, 12-сі жарақаттанды. 23 адам құтқарылған. Өрт 18, шығын көлемі 65 пайызға көбейсе, адамның қаза табуы 16, жарақаттануы 25 пайызға азайды.
Облыста 4 ірі дала өрті болып, 11200 гектарды қамтыды.
