Кореяда COVID-19 жұқтырудың тәуліктік саны бойынша антирекорд орнатылды
СЕУЛ. YONHAP-ҚазАқпарат – Корея Республикасында 17 қарашада тәулігінде коронавирус инфекциясына шалдығудың 3 290 жаңа оқиғасы тіркелді, деп хабарлайды ҚазАқпарат YONHAP агенттігіне сілтеме жасап.
Бұл – елде өткен жылдың қаңтар айында вирусқа шалдыққан бірінші науқас тіркелгеннен бері ауыр дертке ұшырағандардың ең жоғары саны, деп мәәлімдеді Кореяның ауруларды қадағалау және алдын алу басқармасынан.
Бұған дейінгі антирекорд – 3 270 адам биылғы жылдың 25 қыркүйегінде тіркелген. Вирусқа шалдыққандар саны 1 қарашада елде көптеген шектеулер алынып, халық бұрынғы өмір салтына өткеннен кейін өскен.
Қауіпті вирусқа ұшырағандардың ең көп саны – 78 пайызы Сеул, Инчхон және Кёнгидо провинциясында. Пандемия басталғалы Оңтүстік Кореяда ауруға шалдыққандардың жалпы саны 406 065 адамға жеткен. Ауыр және өте ауыр халде жатқан пациенттер саны – 506, тәулік ішінде COVID-19 вирусынан болған асқынудан 29 адам көз жұмды.
Биылғы жылдың ақпан айынан бері елде вакциналау басталғалы елдегі халықтың 81,2 пайызына екпенің бірінші дозасы салынды, тұрғындардың тағы 77,8 пайызы толық вакциналанған.
