Қорғаныс министрлігінің ақпараттық-насихат тобы жолға шықты
АСТАНА. 12 тамыз. ҚазАқпарат - 2013 жылғы 12-17 тамыз аралығында Қазақстан Республикасы Қарулы Күштері Бас штабы бастығының орынбасары - Тәрбие және идеологиялық жұмыстар департаментінің бастығы полковник Мұхамеджан Таласовтың басшылығымен Қорғаныс министрлігінің кешенді ақпараттық-насихат тобы Шымкент, Тараз қалалары мен Арыс, Жібек жолы, Луговой, Мерке және Гвардейск гарнизондарында болады. Бұл туралы ҚР Қорғаныс министрлігінің баспасөз қызметінен хабарланды.
Аталған іс-шараның мақсаты - Қарулы Күштердің оң беделін арттыру және қоғамда әскери қызметті насихаттау, мемлекеттік жастар саясаты тұжырымдамасын іске асыру шеңберінде жастарға әскери-патриоттық тәрбие беру жүйесін және ұрпақ сабақтастығы принциптерін белсендіру, сондай-ақ әскери ортада рухани мәдениет пен шығармашылық бастаманы дамыту болып табылады.
Ақпараттық-насихат тобының құрамында бұқаралық ақпарат құралдарының өкілдері мен Қазақстан Республикасы Қорғаныс министрлігі Орталық ансамблінің өнерпаздары бар.
