Көркем гинастикадан Қазақстан құрамасы халықаралық турнирде қола алды

АСТАНА. KAZINFORM – Ресейдің Омбы қаласында көркем гимнастикадан екі дүркін Олимпиада чемпионы Евгения Канаеваның жүлдесі үшін халықаралық турнир басталды. 

Ұлттық олимпиадалық комитеттің мәліметінше, халықаралық жарыстың алғашқы күнінде топтық жаттығудан Қазақстан командасы көпсайыстан қола жүлдеге қол жеткізді. Бұл сында алтынды Ресей, күмісті Беларусь құрамалары еншіледі. 

Айта кетелік, халықаралық турнирде топтық жаттығудан бөлек Милана Парфилова, Зере Бақытжанқызы, Рабия Аманқос және Надия Қанапияның өнерін тамашалаймыз. 

Еске сала кетейік, бұған дейін дзюдошы Елдос Сметовтің Париж Олимпиадасына жолдама алғанын хабарлаған едік.