Көрнекті қоғам және мемлекет қайраткері Владимир Нимен қоштасу рәсімі ертең Алматыда Ғ.Мүсірепов атындағы жасөспірімдер театрының ғимаратында өтеді

АЛМАТЫ. Қыркүйектің 11-і. ҚазАқпарат - Көрнекті қоғам және мемлекет қайраткері Владимир Васильевич Ниді ақтық сапарға шығарып салу рәсімі ертең, қыркүйектің 12-сінде сағат 10.00 мен 11.00-дің аралығында Алматыда Ғ.Мүсірепов атындағы жасөспірімдер театрының ғимаратында өтеді. Бұл туралы қала әкімінің баспасөз қызметінен хабарлады.

В.Ни қыркүйектің 9-ында ем қабылдап жатқан шетелдік емханалардың бірінде көз жұмғанын ҚазАқпарат бұдан бұрын хабарлаған болатын.

Өкінішке орай, бірқатар бұқаралық ақпарат құралдары асығыстық жасап, қоштасу рәсімінің өткізілу орнын қате хабарлап жіберіп отыр.