Коронавирусқа шалдыққан 400-ге жуық науқастың жағдайы ауыр
НҰР-СҰЛТАН. ҚазАқпарат - 30 қаңтардағы мәлімет бойынша, ел өңірлерінде коронавирус инфекциясынан 156 342 адам емделуде. ҚазАқпарат бұл туралы Қазақстанда коронавирустың таралуына жол бермеу жөніндегі ведомствоаралық комиссияның мәліметіне сілтеме жасап хабарлайды.
Оның ішінде 154 988 науқас – коронавирус инфекциясына, 1 354 науқас коронавирус пневмониясына шалдыққан. 10 226 адам стационарда, 146 116 пациент амбулаториялық деңгейде ем қабылдауда.
КВИ+, КВИ- шалдыққандардың арасында:
- 393 адамның жағдайы ауыр;
- 163 пациенттің жағдайы өте ауыр,
- 95 науқас өкпені жасанды желдету аппаратына қосылған.
